පොලිස් නිෂ්කාෂන වාර්තාව සහතික කර ගැනීම

ඊශ්‍රායලයට යාම සඳහා ඔබ ලබාගෙන ඇති පොලිස් නිෂ්කාශන වාර්තාව සහතික කිරීමේ සම්පූර්ණ මාර්ගෝපදේශය.

කොන්සියුලර් කාර්යාල

ඊශ්‍රායලයට යාම සඳහා ඔබ ලබාගෙන ඇති පොලිස් නිෂ්කාශන වාර්තාව සහතික කර ගැනීමට පහත කාර්යාල වෙත ගොස් සහතික කරගත හැක.

  • ප්‍රධාන කාර්යාලය: 16 වැනි මහල, "සුහුරුපාය", ශ්‍රී සුභූතිපුර පාර, බත්තරමුල්ල. (පාස්පෝට් කාර්යාලයේ 16 වන මහල)
  • ප්‍රාදේශීය කාර්යාල: යාපනය, මාතර, මහනුවර, ත්‍රිකුණාමලය සහ කුරුණෑගල.

සැලකිලිමත් විය යුතු කරුණු

විදේශ කටයුතු අමාත්‍යාංශයේ (MFA) කොන්සියුලර් අංශයෙන් ඔබගේ පොලිස් නිෂ්කාශන වාර්තාව සහතික කර ගැනීම (Attestation) සඳහා කලින් වේලාවක් වෙන් කර ගැනීම (Appointment) අනිවාර්ය වේ.
  • වලංගු කාලය:
    පොලිස් නිෂ්කාශන වාර්තාවක් සාමාන්‍යයෙන් නිකුත් කර මාස 6ක් යනතුරු වලංගු වේ. විදේශ කටයුතු අමාත්‍යාංශයේ කන්සියුලර් අංශයෙන් සහතික කල පසු වසරක් දක්වා වලංගු වේ.
  • නම නිවැරදි බව:
    පොලිස් වාර්තාවේ ඇති ඔබගේ නම සහ විදේශ ගමන් බලපත්‍රයේ (Passport) නම අකුරින් අකුර ගැලපෙන බව තහවුරු කරගන්න.

සහතික කිරීමේ සම්පූර්ණ ක්‍රියාවලිය පියවරෙන් පියවර

පියවර 1

වේලාවක් වෙන් කර ගැනීම (E-Channeling)

  • ක්‍රමය 1: e-Channelling නිල වෙබ් අඩවිය වෙත පිවිසෙන්න. (e-Channelling සඳහා රු.114/-ක සේවා ගාස්තුවක් අය වේ. මෙය ඔන්ලයින් ඔස්සේ ගෙවිය යුතුයි).
  • ක්‍රමය 2: මොබිටෙල් හෝ හච් දුරකථන ජාලයකින් 225 (මොබයිල්) හෝ 1225 (ලෑන්ඩ්ලයින්) අමතා වේලාවක් වෙන් කරවා ගන්න. (ඔබගේ ජංගම දුරකතනයේ ශේෂය රු.114/-ට වඩා තිබිය යුතු වේ. සේවා ගාස්තුව වශයෙන් රු.114/ක් අය වේ)
  • තේරීම: සහතික කර ගැනීමට ලඟම දිනයක්, වේලාවක් සහ ඔබට ආසන්නතම කාර්යාලය (කොළඹ හෝ ප්‍රාදේශීය) තෝරාගත හැක.
පියවර 2

අවශ්‍ය ලේඛණ

කාර්යාලයට යාමට පෙර පහත ලේඛණ සියල්ල සූදානම් කර ගන්න:

  • මුල් පොලිස් නිෂ්කාශන වාර්තාව (Original Police Clearance Certificate) සහ එහි ඡායා පිටපත
  • ජාතික හැඳුනුම්පත (NIC) සහ එහි පැහැදිලි ඡායාපිටපත
  • හෝ (මෙම ලේඛණ වලින් එක් ලේඛණයක් රැගෙන යාම ප්‍රමාණවත් වේ)
  • වලංගු විදේශ ගමන් බලපත්‍රය (Passport) සහ එහි දත්ත පිටුවේ පැහැදිලි ඡායාපිටපත
  • e-Channelling මඟින් ලැබුණු Appointment පණිවිඩය (SMS හෝ මුද්‍රිත පිටපත).
පියවර 3

කාර්යාලයට පැමිණීම

ඔබට වෙන් වූ වේලාවට විනාඩි 15කට පෙර අදාළ විදේශ කටයුතු අමාත්‍යාංශයේ කොන්සියුලර් කාර්යාලය වෙත යා යුතුය.

පියවර 4

ලේඛන භාරදීම සහ ගාස්තු ගෙවීම

  • කාර්යාලයට ඇතුළු වූ පසු ඔබේ ලේඛන පරීක්ෂා කර ටෝකන් අංකයක් (Token Number) නිකුත් කරනු ලැබේ.
  • ඔබේ අංකය කැඳවූ පසු අදාළ කවුන්ටරයට ලේඛන භාරදී ගාස්තු ගෙවිය යුතුය.
  • ගාස්තුව: ශ්‍රී ලාංකික පුරවැසියෙකු සඳහා එක් ලේඛනයක් සහතික කිරීමට රජයේ නිල ගාස්තුව රු. 1,200 කි.
පියවර 5

සහතික කළ වාර්තාව ලබා ගැනීම

  • ලේඛණ භාරදුන් පසු ඒවා e-DAS (Electronic Document Attestation System) පද්ධතිය හරහා සත්‍යාපනය කරනු ලැබේ.
  • සාමාන්‍යයෙන් ගැටලුවක් නොමැති නම්, (එම අවස්ථාවේ දීම) පසුපස පිටුවේ විශේෂ ආරක්ෂිත ස්ටිකරය සහ නිල මුද්‍රාව තැබූ ඔබගේ පොලිස් වාර්තාව නැවත ඔබට ලබාගත හැක.